KIEV, 28 dhjetor /ATSH-DPA/ – Ushtria ukrainase deklaroi se një anije mallrash greke që udhëtonte në Detin e Zi për në një port ukrainas në Danub u godit nga një minë ruse.
“Ne ende nuk e dimë se çfarë ka ndodhur saktësisht, por kapiteni na informoi se kishte një shpërthim,” theksoi një përfaqësues nga NAVA Shipping me qendër në Athinë.
Sipas kompanisë, askush nuk është lënduar rëndë.
Komanda Operative Jugore e Ukrainës, megjithatë, ia atribuoi shpërthimin një “mine detare armike”.
“Maritime Bulletin”, një faqe lajmesh detare e drejtuar nga gazetari rus Mikhail Voytenko, gjithashtu raportoi se “një minë detare ruse shpërtheu nën ose afër skajit të anijes greke të mallrave VYSSOS në grykën e Bystre të deltës së Danubit”. /os/