Marsel Ismajlgeci mban në tension Tiranën, pasi kapiteni nuk është stërvitur plotësisht me skuadrën në dy ditët e fundit dhe rrezikon që të mungojë në sfidën e radhës kundër Kukësit në kampionat.
“Panorama Sport” shkruan se lojtari po bën fizioterapi dhe mjekët janë optimistë se Ismajlgeci mund të rikuperohet për sfidën e së dielës, që do të transmetohet live në Oversport dhe Tibo.
Dëmtimet janë bërë një problem për teknikun Shehi, që e ka theksuar se skuadra e vuan mungesën e lojtarëve të rëndësishëm. Por në prag të sfidës kundër Kukësit ka edhe lajme të mira. Filip Najdovski është bashkuar me skuadrën dhe është gati për sfidën e radhës, edhe sulmuesi Patrick është stërvitur me grupin me ngarkesë të plotë.
Nesër pritet t’i bashkohen skuadrës në stërvitje edhe Xhixha, Kallaku dhe Deliu që ishin të grumbulluar me skuadrën kombëtare. / Oversport.tv
