Alvin Bragg bëri histori në vitin 2021 si i pari person me ngjyrë që u zgjodh prokuror i qarkut të Nju Jorkut. Ai sa vjen dhe vendoset edhe më shumë në qendër të vëmendjes ndërsa ka marrë në dorë një çështje tepër për historinë e demokracisë së Shteteve të Bashkuara të Amerikës, ndjekjen penalisht të ish-presidentit amerikan Donald Trump.
Teksa doli nga zyra e tij mbrëmjen e djeshme, Bragg, 49 vjeç, vendosi të qëndronte i heshtur, duke ditur se do t’i garantonte vetes një vend në librat e historisë si prokurori i parë ndonjëherë – në nivel federal, shtetëror ose lokal – që ngriti akuza penale kundër një ish-presidenti amerikan.
Zyra e tij ka hetuar një marrëveshje të supozuar të pastrimit të parave midis Donald Trump dhe një ylli të filmave për të rritur. Çështja bën fjalë për një pagesë prej 130,000 dollarësh (106,000 £) e bërë nga avokati i tij personal i atëhershëm Michael Cohen për aktoren pornografike Stormy Daniels, në kulmin e zgjedhjeve presidenciale të 2016-ës, gjoja në këmbim të heshtjes së saj për një lidhje me zotin Trump.
Ish-presidenti republikan mohon me forcë akuzën, sidoqoftë “nuk pret të ketë një gjykim të drejtë në Nju Jork”.
“Ata ngritën këtë akuzë të rreme, korruptive dhe të turpshme kundër meje vetëm sepse unë qëndroj me popullin amerikan dhe ata e dinë se nuk mund të kem një gjyq të drejtë në Nju Jork!” – shkroi Trump në Truth Social.
Prokurori i qarkut të Manhatanit është një prokuror veteran që mori detyrën në fillim të vitit 2022 përmes një platforme të ndarë më dypjesë: investimi në alternativa ndaj burgosjes, dhe rritja e ndjekjeve penale të jakës së bardhë (që përfshin korrupsionin publik nga zyrtarët, mashtrimin me kujdesin shëndetësor, mashtrimin e hipotekave, mashtrimin me letrat me vlerë dhe pastrimin e parave) dhe korrupsionit publik.
Fushata e tij për Prokuror të Përgjithshëm u përqendrua shumë në biografinë e tij personale dhe dëshirën për reformimin e Prokurorisë. I lindur dhe i rritur në lagjen Harlem të Nju Jorkut gjatë epidemisë së kokainës në vitet 1980, ai ka folur se oficerët e policisë e mbanin zonën nën kërcënimin e armës;dhe se është ndeshur me viktima të vrasjes në pragun e tij.
Avokati i arsimuar në Harvard ishte i specializuar në mashtrimin me jakë të bardhë dhe çështjet e të drejtave civile, duke përfshirë përfaqësimin e familjes së Eric Garner, një zezak që vdiq në duart e policisë së Nju Jorkut në 2014.
Ai ka pohuar se ka ndihmuar të padisë administratën Trump më shumë se 100 herë në mandatin 4-vjeçar. Ai gjithashtu udhëhoqi padinë e Nju Jorkut kundër producentit të turpëruar të filmit Harvey Ëeinstein.
Bragg ka përvojë me ndjekjet penale në çdo nivel të qeverisë. Ai ka shërbyer më parë si ndihmës prokuror i SHBA-së për Distriktin Jugor të Nju Jorkut, zëvendësprokuror i përgjithshëm i Nju Jorkut dhe kryeprokuror për Këshillin e Qytetit të Nju Jorkut.
Ditë pas marrjes së detyrës, Bragg detajoi politikat e reja të akuzave, lirimit me kusht, pranimit të fajit dhe dënimit për bashkinë Manhattan. Ai tha se zyra e tij nuk do të ndiqte më penalisht disa vepra të nivelit të ulët si evazioni i tarifave të transportit publik dhe kundërvajtjet që lidhen me kanabisin.
Një protestë nga forcat lokale të zbatimit të ligjit dhe drejtuesit e biznesit mes dhunës në rritje në qytetin e Nju Jorkut e shtyu Bragg të kërkonte falje dhe të rishikonte politikën. Që atëherë, ai ka vënë në dukje statistikat që tregojnë se krimet e mëdha kanë rënë nën udhëheqjen e tij, por kritikët – përfshirë zotin Trump dhe aleatët e tij – e konsiderojnë atë si një liberal “radikal” që është i butë me kriminelët.
Bragg trashëgoi hetimin e Trump nga paraardhësi i tij Cyrus Vance Jr, i cili hapi çështjen gati pesë vjet më parë, ndërsa zoti Trump ishte ende në Shtëpinë e Bardhë.
Në fillim të mandatit të tij, dy prokurorë nga zyra e tij dhanë dorëheqjen, një prej të cilëve pretendonte se hetimi ishte “pezulluar për një kohë të pacaktuar” në mënyrë të “gabuar” nga një Prokuror që nuk donte të ndiqte penalisht zotin Trump.
Zyra e Prokurorisë së Përgjithshme u përgjigj se çështja ishte në vazhdim e sipër dhe po “eksploronte prova të paeksploruara më parë”.
Dhjetorin e kaluar, dy nga kompanitë e Trump u dënuan për shkelje tatimore në një gjyq penal të ngritur nga zoti Bragg. Vetë Trump nuk u akuzua, por shefi financiar i Organizatës Trump, Allen Ëeisselberg, aktualisht po vuan dënimin me pesë muaj burg.
Këtë janar, zoti Bragg mblodhi një juri të madhe për të vlerësuar provat në hetimin e parave të heshtura.
Në vazhdën e këtyre akuzave historike kundër zotit Trump, aksionet janë të mëdha. Me ofertën e tij të tretë për Shtëpinë e Bardhë në proces, shumë thonë se aktakuza mund të mbingarkojë mbështetësit e tij dhe ta kthejë atë sërish në Zyrën Ovale.
Top Channel
