Telenovela Johnny Depp – Amber Heard ka qenë një nga historitë e vitit 2022, pasi aktori u akuzua për keqtrajtim dhe abuzim seksual nga ish-gruaja e tij, por u shpall i pafajshëm.
Dyshja arritën një marrëveshje që do të thotë se aktori i Pirates of the Caribbean do të marrë një milion dollarë, dhe ai tani ka thënë se çfarë do të bëjë me paratë.
Gjithçka duket se është rregulluar dhe pas marrëveshjes reciproke, aktorja ka rrëfyer për mediat se, pavarësisht sagës, ajo kishte ende ndjenja për Depp: “Po. Po. Absolutisht. Unë e dua atë”.
Nga ana e tij, avokatët e Depp shpjeguan se çfarë do të bëjë ai me paratë.
“Ne jemi të kënaqur që zyrtarisht mbyllim derën e këtij kapitulli të dhimbshëm për zotin Depp, i cili e bëri të qartë gjatë gjithë këtij procesi se prioriteti i tij ishte nxjerrja në dritë e së vërtetës”, shkruan në një deklaratë avokatët e Depp, Benjamin Chew dhe Camille Vasquez.
“Vendimi unanim i jurisë dhe gjykimi që rezultoi në favor të Depp kundër zonjës Heard mbeten plotësisht në fuqi. Pagesa prej një milion dollarësh, – të cilat zoti Depp është zotuar dhe do t’i dhurojë për bamirësi, – përforcon njohjen e zonjës Heard për vendimin dhe për punën e sistemit ligjor për drejtësi”.
