Linjat Japan Airlines kanë emëruar për herë të parë një grua si presidente, që është diçka e rrallë për një kompani madhore japoneze.
Mitsuko Tottori kishte nisur punë në kompani si stjuardesë në vitin 1985, para se të ngjiste shkallët e karrierës.
Ajo tha se rritja në detyre do të inkurajonte të tjera gra për të avancuar dhe kërkuar të drejtat e avancimit në detyrë.
Zonjusha Tottori zëvendëson presidentin aktual Yuji Akasaka prej 1 prillit qe vjen, teksa ky i fundit do të zëvendësojë Yoshiharu Ueki si kryetar i kompanisë së linjave ajrore që është dhe vendi më i lartë si zyrtar.
Emërimet vijnë një javë pasi një avion i Japan Airlines u përplas me një avion më të vogël të rojës bregdetare japoneze, pranë aerorportit Haneda Airport.
Por mrekullisht evakuimi i shpejtë bëri që të gjithë 379 pasagjerët dhe ekuipazhi i avionit të pasagjerëve të shpëtonin. Ndërsa gjashtë persona në avionin e rojës bregdetare tragjikisht humbën jetën.
Këtë muaj Joanna Geraghty u emëruar si drejtore ekzekutive e linjave amerkane JetBlue Airways, duke u bërë e para me këtë rol në vend.
Top Channel
