Një ish-oficer i Policisë Metropolitane është burgosur për sulm seksual ndaj një fëmije në një festë.
Pc Farhan Ghadiali, nga Woodford Green, Essex, sulmoi vajzën ndërsa ishte jashtë detyrës në shtator 2019. Gjykata e Chelmsford Crown tha se kjo i shkaktoi viktimës, e cila ishte nën moshën 13 vjeç, probleme të thella psikologjike.
Kate Davey, e cila ndjek këtë çështje, theksoi se vajza është shumë e traumatizuar, qan shumë dhe është shumë e frikësuar.
Ajo tha në seancën e sotme se 44-vjeçari i cili nuk kishte asnjë dënim të mëparshëm, kishte pirë shumë atë ditë. Pas një hetimi të nisur nga Policia e Essex, Ghadiali u pezullua nga detyra në dhjetor 2020. Në fillim të këtij muaji, u shkarkua pasi gjykata i konsideroi akuzat si sjellje të pahijshme.
Oficeri, i cili ishte i bashkangjitur në Njësinë e Komandës Qendrore Perëndimore, u shpall fajtor për sulm seksual ndaj një fëmije nën moshën 13 vjeç pas një gjyqi të mëparshëm.
Gjykatësi Christopher Morgan i tha Ghadialit se kjo ishte një “vepër e rëndë kundër një fëmije shumë të vogël”.
Ai tha se dënimi i kishte dhënë fund karrierës së tij policore, duke shtuar: Mund ta ketë shumë të vështirë të gjejë punë në të ardhmen.
Ghadiali u dënua me 30 muaj pas hekurave dhe e bëri atë subjekt të një urdhri të pacaktuar për parandalimin e dëmtimit seksual.
Ai nuk bëri asnjë reagim ndërsa oficerët e çuan në qeli.
Top Channel
