Interi kërkon të hedhë pas zhgënjimin nga derbi dhe të rikthehet te fitorja në sfidë e radhës që përkon me grupin e Champions League përballë Bayernit. Në prag të kësaj sfide tekniku Simone Inzaghi ka dhënë konferencën për shtyp ku ka dhënë përshtypjet e tij.
“Ne e dimë forcën e kundërshtarit tonë, grupi është shumë konkurrues. Vijmë nga zhgënjimi i derbit, e dimë se çfarë përfaqësonte për tifozët dhe për klubin tonë.”
GRUPI- “E dimë se duhet të grumbullojmë 10 pikë në këtë grup. Nëse flasim në mënyrë objektive është një grup shumë i vështirë në raport me vitin e kaluar, por ne jemi Interi kështu që duhet të kemi mundësinë për t’u përballur me Bayernin. Ata janë një prej 3-4 skuadrave favorite për të fituar Championsin.”
GABIMET NË DERBI- “I kemi analizuar, sepse pas çdo humbjeje të dhimbshme duhet të ketë dhe një përballje. Gabimi më i madh ishte kur lejuam të shënonin golin e barazimit. Ndaluam së bëri atë që po bënim në 25 minutat e para. Mund të ndodhë edhe me Bayernin. Duhet të reagojmë më mirë dhe të qëndrojë në lojë.”
KRITIKAT- “Në futboll janë të përditshme. Kritikat konstruktive mua më pëlqejnë edhe t’i dëgjoj sepse më stimulojnë. Çdo ditë duhet të bëjë zgjedhje dhe kërkoj t’i bëj për të mirën e Interit.”