Rreth 315,000 ushtarë rusë kanë mbetur të vdekur ose plagosur gjatë luftës në Ukrainë.
Lajmi është konfirmuar nga një burim i njohur me inteligjencën e deklasifikuar amerikane për agjencinë e lajmeve Reuters. Sipas burimit, shifra është e barabartë me gati 80% të personelit ushtarak të Rusisë.
Një vlerësim i inteligjencës amerikane vlerëson gjithashtu se ushtria ukrainase e ka frenuar modernizimin ushtarak të Rusisë me 18 vjet.
Vlerësimet zyrtare nga Perëndimi për numrin e ushtarëve rusë të vrarë ose të plagosur kanë qenë relativisht të rralla. Në gusht, zyrtarët amerikanë i thanë New York Times se vlerësimi ishte pak më pak se 300,000. Ndërkohë, Ministria Britanike e Mbrojtjes tha në tetor se e vendos shifrën në rreth 290,000.
Ministria e Mbrojtjes tha në atë kohë se luftimet e ashpra rreth qytetit lindor të Avdiivka ishin pjesërisht pas një rritjeje prej 90% të viktimave ruse të regjistruara nga Ukraina.
Top Channel
