AMSTERDAM, 22 nëntor /ATSH-DPA/ – Filluan sot në mëngjes zgjedhjet parlamentare në Holandë, me të gjitha qendrat e votimit të hapura, ndërkohë që pritet një garë e fortë mes partive politike.
Rreth 13,3 milionë holandezë kanë të drejtë të zgjedhin 150 anëtarët e Dhomës së Ulët të parlamentit.
Qendrat e votimit mbyllen në orën 21:00 (20:00 GMT), kur priten parashikimet e para.
Vëzhguesit presin një garë të ngushtë.
Sipas sondazheve, populisti i krahut të djathtë Geert Wilders dhe Partia e tij për Liri (PVV) është një nga favoritët për të fituar zgjedhjet për herë të parë.
Megjithatë, Partia Popullore për Liri dhe Demokraci (VVD) liberale e krahut të djathtë dhe aleanca elektorale e kuqe-jeshile e socialdemokratëve dhe të gjelbërve mund të bëhen gjithashtu forca më e fortë.
Zgjedhjet do të përcaktojnë kursin për një epokë të re politike pas rreth 13 vitesh nën udhëheqjen e kryeministrit liberal të krahut të djathtë Mark Rutte.
Ai njoftoi largimin e tij nga politika kombëtare në verë.
Koalicioni i tij i qendrës së djathtë ra pas vetëm 18 muajsh./ a.jor.
