HELSINKI, 29 janar /ATSH-DPA/ – Zgjedhjet presidenciale të Finlandës u drejtuan në një raund të dytë pasi asnjë nga nëntë kandidatët në votimin e së dielës nuk mori më shumë se 50% të votave të hedhura.
Pas 12 vitesh nën udhëheqjen e presidentit popullor Sauli Niinistö, pasardhësi i tij tani do të vendoset më 11 shkurt, kur dy fituesit kryesorë do të përballen me njeri-tjetrin.
Pas numërimit të votave, ish-kryeministri konservator Alexander Stubb kryesoi me 28,3% i ndjekur nga Pekka Haavisto i Partisë së Gjelbër, ish-ministër i Jashtëm me 25,8%.
Kryetari i parlamentit Jussi Halla-aho dhe ish komisioneri i BE-së, Olli Rehn dolën shumë prapa me rreth 16% të votave secili.//a.i/
