QEVERIA NUK KA MARRË NJOFTIM PËR VIZITË TË NDONJË DELEGACIONI NGA BULLGARIA
Qeveria nuk ka marrë njoftim se ndonjë delegacion nga Bullgaria do të marrë pjesë nesër në përkujtimin e 151 vjetorit të lindjes së Goce Dellçevit, tha kryeministri Dimitar Kovaçevski sot, i cili bëri thirrje që festimi të jetë paqësor dhe dinjitoz.
“Deri në këtë moment nuk kam asnjë njoftim nga Kabineti i Kryeministrit të Bullgarisë për ndonjë delegacion zyrtar bullgar që do të vendoste lule. Ministri i Punëve të Brendshme tha gjithashtu se kushdo që është qëllimmirë, zyrtar shtetëror oficial që dëshiron të përkulen denjësisht tek varri i heroit të madhe kombëtare maqedonase këtu në Shkup, lirisht mund të lajmërojë pjesëmarrjen e tij. Të gjithë ata që kanë qëllim të keq, që janë provokatorë, që mohojnë popullin maqedonas, që mohojnë shtetin maqedonas, që dhunojnë ndjenjat e maqedonasve dhe qytetarëve të tjerë, nuk do të hyjnë në vend” – deklaroi Dimitar Kovçevski.
Kryeministri Kovaçevski gjithashtu theksoi se në përputhje me konkluzionet e Këshillit të Sigurimit dhe në përputhje me vendimet e Qeverisë, Ministria e Punëve të Brendshme është përgjegjëse për të siguruar pjesëmarrje paqësore dhe dinjitoze të përvjetorit të lindjes të revulucionarit Goce Dellçev.
Përgatiti: Avni Tahiri
