24 orët e fundit ishin ditë aksioni për tifo grupin ‘Skifterat’ nga Gjilani.
Tifozët kuqebardhë mblodhën gjithsej 1700 euro për ta ndihmuar veteranin e luftës, Nexhatin.
“Ditën e Veteranit e shënuam me një iniciativë simbolike në shenjë falemnderimi për kontributin e veteranit të luftës nga Gjakova, Nexhatin”, thuhet në njoftimin e tyre.
Pas kësaj iniciative simbolike, ‘Skifterat’ u nisën drejt Gjakovës për t’ia dorëzuar paratë veteranit, pasi ai po i mbledhë ato për të blerë një banesë.
“Për 24 orë u tubuan 1700 euro, e sot morëm rrugën për ti dërguar në vend e për ti kërkuar falje Nexhatit që për dy dekada përderisa ne gjumin e bënim në shtëpitë tona, ai po bredhte nëpër banesa me qera! I thamë të ndihej krenar e i fortë sepse banesën e kishte blerë kur kishte kap pushkën e lirisë, e turpi është i atyre që kurrë nuk menduan për të”, kanë shkruar Skifterat.
Krejt në fund është bërë publike edhe lista me emrat e atyre që ndihmuan në këtë iniciativë shembullore.
