BERLIN, 14 prill /ATSH-DPA/- Ministrja e Jashtme gjermane, Annalena Baerbock do të kryesojë sot takimin e Qendrës së Qeverisë për Reagimin ndaj Krizave në Berlin, për të diskutuar sulmin ajror të Iranit gjatë natës ndaj Izraelit, njoftoi Ministria e Jashtme.
Takimi vjen pas sulmit të parë të drejtpërdrejtë në territorin izraelit nga Irani.
Një zëdhënës ushtarak izraelit tha se 99% e rreth 300 dronëve dhe raketave balistike ishin kapur nga Izraeli dhe aleatët e tij.
“Operacioni Premtimi i vërtetë” i Iranit u organizua si hakmarrje ndaj një sulmi ajror në ambasadën e tij në Damask më 1 prill, në të cilin u vranë dy gjeneralë dhe disa zyrtarë të tjerë. Izraeli besohet se ka kryer sulmin dhe nuk e ka mohuar përgjegjësinë.
Nuk është ende e qartë nëse Izraeli do t’i përgjigjet sulmit iranian. //a.i/