KAJRO, 26 janar /ATSH-ANSA/ – Mallrat që kalojnë përmes Kanalit të Suezit kanë rënë me 45% në dy muajt e fundit, pasi sulmet nga rebelët Houthi të Jemenit, të mbështetur nga Irani, kanë bërë që grupet e transportit detar të devijojnë mallrat, duke ndërprerë rrugët tashmë të tensionuara të tregtisë detare, deklaroi agjencia e Kombeve të Bashkuara, UNCTAD.
Agjencia paralajmëron rritje të rreziqeve të inflacionit, pasiguri të sigurisë ushqim dhe rritje të emetimeve të gazeve serrë.
”Kompanitë e transportit kanë devijuar anijet nga Deti i Kuq që kur rebelët Houthi, të cilët kontrollojnë shumicën nga zonat e populluara të Jemenit, filluan të sulmojnë anijet që kalojnë tranzit nëpër Detin e Kuq duke pretenduar se veprimet e tyre janë në favor të palestinezëve në Gaza”, shtoi ajo.
Shumë prej anijeve të synuara, megjithatë, nuk kanë lidhje me Izraelin.
Shtetet e Bashkuara të Amerikës dhe Britania e Madhe iu përgjigjën me sulme avionësh rebelëve Houthi./ /os/
