MELBURN, 16 prill /ATSH-ANSA/ – Të jetuarit në zona më pak larg hapësirave të gjelbra dhe me shkallë më të ulët të krimit janë faktorë që lidhen me faktorë më të ulët të rrezikut të demencës, sipas universitetit Monash në Melburn.
i publikuar në ”Preventive Medicine Report”, studimi nxori në pah karakteristikat që lidhen me rrezikun e demencës.
Të dhënat tregojnë se një dyfishim i distancës nga hapësirat e gjelbra është i barabartë me të qenit afërsisht dy vjet e gjysmë më i moshuar për sa i përket faktorëve të rrezikut për demencë.
Çdo dyfishim i shkallës së krimit barazohet me një reduktim të rezultateve të kujtesës që i atribuohet një rritjeje prej tre vitesh të moshës.
Një ndikim që është veçanërisht i dukshëm tek ata që jetojnë në zona me status më të ulët socio-ekonomik.
Studimi i ri shqyrtoi faktorët më të mëdhenj të rrezikut të modifikueshëm të demencës si hipertensioni, obeziteti, kolesteroli i lartë dhe pasiviteti fizik.
“Të jetosh pranë hapësirave të gjelbra mund t’i lejojë ose inkurajojë njerëzit të bëjnë më shumë ushtrime si ecja ose vrapimi dhe gjithashtu të shoqërohen duke folur me njerëz të tjerë në park. Ai gjithashtu mund të mbrojë kundër faktorëve stresues mjedisorë si ndotja e ajrit dhe zhurma”, theksojnë studiuesit.
Me fjalë të tjera, të kesh disa parqe të vogla më afër më shumë njerëzve mund të jetë më mirë sesa të kesh një park të madh më larg.
Për më tepër, njerëzit që jetojnë në zona me kriminalitet të lartë mund të dalin më pak jashtë, të ushtrojnë më pak dhe të shoqërohen më pak në vendet publike./ /os/
