BRUKSEL, 28 shtator /ATSH-DPA/ – Ukraina do të marrë 500 milionë euro (480 milionë dollarë) në mbështetje të sektorëve të strehimit, arsimit dhe bujqësisë të vendit, njoftoi komisioneri i zgjerimit të BE-së, Oliver Várhelyi.
“Ukraina ka respektin tonë maksimal, për luftën për pavarësi dhe demokraci, pasi ajo njëkohësisht punon për reformat për të ecur përpara në rrugën e saj drejt BE-së”, theksoi Várhelyi gjatë një vizite në Kiev.
Financimi shtesë i BE-së vjen ndërsa Ukraina po përballet me kufizime të mëdha ekonomike si rezultat i pushtimit rus.
Komisioni Evropian mirëpriti gjithashtu një marrëveshje me institucionet e shërbimeve financiare të Ukrainës për të ndihmuar ukrainasit të kthejnë paratë në vend në mënyrë më efikase dhe transparente. /os/
