Sekretari amerikan i Shtetit, Antony Blinken do të takohet me ministrin e Jashtëm turk Hakan Fidan të hënën në Ankara në ndalesën përfundimtare të udhëtimit të tij diplomatik në Lindjen e Mesme në mes të përshkallëzimit të luftës në Gaza.
Diplomati i lartë amerikan do të diskutojë situatën humanitare në enklavë me Firdanin dhe nevojën për të parandaluar zgjerimin e konfliktit, sipas një shënimi të Departamentit të Shtetit.
Blinken “do të nënvizojë rëndësinë e mbrojtjes së jetëve të civilëve në Izrael dhe Rripin e Gazës”, ndërsa deklaron gjithashtu “angazhimin për të lehtësuar shpërndarjen e shtuar dhe të qëndrueshme të ndihmës humanitare shpëtimtare për civilët në Gaza”.
Ai nuk pritet të takohet me presidentin turk Rexhep Tajip Erdogan, i cili ka dënuar ashpër veprimet e Izraelit në Gaza, duke i quajtur ato “krime kundër njerëzimit”.
Erdogan tha të shtunën se po ndërpret komunikimet me kryeministrin izraelit Benjamin Netanyahu. Turqia pret disa nga lidershipet e Hamasit dhe Blinken ka thënë vazhdimisht se gjërat nuk mund të kthehen në “status quo” me grupin militant pas sulmit të tij të 7 tetorit ndaj Izraelit.
Top Channel
