Motra e Cristiano Ronaldos ka postuar një letër të hapur emocionuese duke iu referuar babait të tyre të ndjerë pasi futbollisti zbuloi tragjikisht se djali i tij i porsalindur ka vdekur.
Ylli i Manchester United njoftoi në Instagram se një nga binjakët e porsalindur që priste me partneren Georgina Rodriguez kishte vdekur.
Në një deklaratë, çifti thanë se me ‘dhimbjen më të madhe’ ata konfirmojnë se foshnja e tyre kishte vdekur. Binjaku tjetër i porsalindur, një vajzë, ka shpëtuar.
Pas lajmit tragjik, motra 37-vjeçare e Ronaldos, Katia Aveiro, postoi një mesazh nga shtëpia e saj në Brazil, duke thënë se foshnja tani është m babanë e tyre të ndjerë.
“Engjëlli ynë i vogël është tashmë në prehrin e babit”, një referencë për babain e tyre Dinis, i cili vdiq në 2005.
“Të dua dhe zemra ime është me ty atje. Zoti kujdeset për ju dhe forcon rrugën tuaj gjithnjë e më shumë. Engjëlli ynë është tashmë në prehrin e babait. Dhe vajza jonë e vogël është atje e fortë dhe plot shëndet dhe do të na tregojë çdo ditë se vetëm dashuria ka rëndësi”, ka shkruar ajo.
Legjenda e futbollit dha lajmin se ai dhe Georgina po prisnin binjakë në tetor 2021.
Georgina ka një vajzë Alana, tre vjeç, me Cristiano.
Ylli i Manchester United ka gjithashtu djalin Cristiano Jr., 11 vjeç dhe binjakët Eva dhe Mateo, katër vjeç.
Në qershor 2017, ylli i atëhershëm i Real Madridit i befasoi fansat me lajmin se kishte mirëpritur binjakët Eva dhe Mateo përmes një nëne surrogate, dhe vetëm një muaj më vonë ai dhe Georgina njoftuan se prisnin fëmijën e tyre të parë së bashku.
