Inter u eliminua nga Liga e Kampionëve nga Atletico Madrid. Pas 120 minutash rezultati i përgjithshëm ishte 2:2 dhe fituesi u vendos me penallti. Te Atletico, Saul Niguez humbi penalltinë e tij dhe te Interi, Alexis Sanchez, Davy Klaassen dhe Lautaro Martinez ishin fatkeqët.
Goditja e kapitenit të Interit, Martinez ishte veçanërisht e keqe, pasi ai dërgoi topin mbi portë.
Martinez, golashënuesi i 26 golave këtë sezon, humbi penalltinë e fundit të Interit, për t’i shtyrë spanjollët në tetë më të mirët. Pas ndeshjes u shfaq një video që shpjegonte se çfarë ndodhi. Sulmuesi argjentinas arriti të lëvizte disi topin para goditjes. Ndodhi në hapin e fundit. Topi u ngrit nga toka ndërsa Martinez u mbështet në këmbën e tij të majtë. Në fund ai nuk mundi ta godiste me këmbën e djathtë ashtu siç donte, ndaj rezultoi një huqje e madhe.
Një gjë e ngjashme ka ndodhur me shokun e tij të skuadrës, Davy Klaassen.
Ja pamjet:
