Një nga talentet më të shkëlqyer të Europës nuk mund të mos përfundonte në pamjet e një prej skuadrave më spektakolare në botë.
Jamal Musiala, sipas asaj që raportohet nga “The Guardian”, është vendosur në krye të listës së dëshirave të Pep Guardiolas për sezonin e ardhshëm me Manchester Cityn.
Vlera e tij në merkato, sipas Transfermarkt, është 110 milionë euro.
E përditshmja angleze shkruan se trajneri spanjoll do të bëjë një tentativë dhe se për të është interesuar edhe Chelsea.
Megjithatë, Bayern Munich nuk duket aspak i gatshëm ta shesë atë.
Në të vërtetë, sipas Fabrizio Romano, skuadra bavareze tashmë është duke përgatitur rinovimin e kontratës, për ta mbyllur dhe për të larguar interesin e të gjitha top klubeve që mund ta tundojnë.
Ndjenja është se aventura e Musialas te Bayern Munich është e destinuar të zgjasë ende shumë.
