Alessandro Del Piero është rikthyer në Allianz Stadium për herë të parë që nga viti 2012 për ndeshjen e që Juventusi e zhvilloi kundër Bolognas këtë mbrëmje.
Ish-reprezentuesi italian nuk është rikthyer në stadiumin e Torinos pas largimit të tij nga klubi në vitin 2012, kur mori duartrokitje të vazhdueshme nga tifozët.
Pavarësisht shërbimit të tij besnik ndaj Bianconerëve, ai u befasua që nuk mori një rinovim të kontratës atë vit dhe u largua në një mënyrë që nuk i përshtatej karrierës së tij të gjatë.
Del Piero e shikoi ndeshjen e Juventusit kundër Bolognas këtë mbrëmje nga tribunat e Allianz Stadium, duke u rikthyer për herë të parë pas një dekadë.
Ai u prit me ovacione kur doli në ballkonin e zonës VIP, ndërsa klubi kishte përgatitur edhe fanellën e re me numrin 10.
Teknikisht, Del Piero u kthye në stadium më 30 maj 2017, kur mori pjesë në një miqësore bamirësie, por Juventusi nuk u përfshi atë ditë dhe stadiumi thjesht ishte mikpritës i ndeshjes.
Del Piero bëri 705 paraqitje në të gjitha garat për Juventusin, duke shënuar 290 gola dhe duke dhënë 150 asistime.
