Nënkryetarja e PDK-së, Vlora Çitaku, ka reaguar pas letrës së përbashkët nga presidenti i Francës, Emmanuel Macron, kancelari i Gjermanisë, Olaf Scholz dhe kryeministrja e Italisë, Giorgia Meloni, drejtuar kryeministrit Albin Kurti.
Çitaku tha se në thelb, palët, ajo e Kosovës dhe Serbisë, përsëri do të bien dakord për të bërë një marrëveshje rreth marrëveshjeve që tashmë janë nënshkruar.
“Nuk përmendet njohja reciproke”, shkroi Çitaku në Twitter, duke bashkëngjitur letrën.
Në letrën e dërguar, Kurtit i kërkohet të zbatojë marrëveshjet e vitit 2013 e 2015, në lidhje me Asociacionin e Komunave me Shumicë Serbe, njofton Klankosova.tv.
Ndër të tjera, në letrën e përbashkët të tyre thuhet se ata mirëpritën deklaratat e liderit kosovar për gatishmërinë për të pranuar propozimin evropian në lidhje me “Marrëveshjen Themelore”.
Macron, Scholz e Meloni u shprehën të bindur marrëveshje është e një rëndësie thelbësore për të mirën e përgjithshme të qytetarëve, për zhvillimin paqësor dhe të begatë të rajonit dhe për avancimin e perspektivës evropiane të Kosovës.
So, basically, we will yet again agree to make an agreement about the agreements already signed.
No mention of the mutual recognition. pic.twitter.com/Hayt8GPoJH
— Vlora Çitaku 🌻 (@vloracitaku) February 26, 2023
