BUDAPEST, 23 janar /ATSH-ANSA/ – Kryeministri hungarez Viktor Orban tha se i kishte dërguar një ftesë homologut të tij suedez, Ulf Kristersson, për të diskutuar kandidaturën e Suedisë për anëtarësim në NATO.
“Sot i dërgova një letër ftese kryeministrit Ulf Kristersson për një vizitë në Hungari për të negociuar anëtarësimin e Suedisë në NATO”, shkroi Orban në X.
Hungaria dhe Turqia janë anëtarët e vetëm të aleancës 31-vendesh që ende nuk kanë miratuar kërkesën për anëtarësim të Suedisë.
Mesazhi i Orbanit erdhi në të njëjtën ditë që parlamenti turk do të votojë për anëtarësimin e Suedisë.
Në parlamentin hungarez votimi tashmë është thjesht një formalitet pasi komisionet kompetente kanë dhënë tashmë dritën jeshile.
Por, votimi përfundimtar u shty disa herë me nxitjen e Orban, për shkak të zemërimit mbi kritikat e Stokholmit ndaj shtetit të së drejtës në Hungari./ /os/
