Goli i shënuar nga futbollisti me origjinë shqiptare, Driton Çamaj në pjesën e dytë, ia ka siguruar fitoren skuadrës elitare të Hungarisë, Kisvardas, në ndeshjen e 30-të.
Kisvarda mposhti MOL Fehervarin me rezultatin 1-0. Çamaj këtë sfidë e vendosi me golin e shënuar nga penalltia në minutën e 53-të.
Ai luajti deri në minutën e 73-të. 27-vjeçari që luan në krah dhe përfaqëson Malin e Zi, tani ka pesë gola të shënuar e dy asistime në 31 paraqitje në të gjitha garat.
Kisvarda po lufton për mbijetesë, ndërsa aktualisht është në vendin e parafundit, të 11-tin, me 28 pikë. Fehervari është i treti me 50 pikë.
GOLI I ÇAMAJT: VIDEO
PANORAMASPORT.AL
