Në një ndryshim të rëndësishëm në fushën e luftës moderne, dronët tokësorë po marrin një rol kyç në konfliktin midis Rusisë dhe Ukrainës. Një video e fundit tregon se si këta mjetet pa pilot po ndryshojnë mënyrën e luftimit.
Në këtë video, dy dronë rusë me telekomandë dhe të armatosur me granatahedhës shkatërrohen nga dronët ajrorë ukrainas. Këto momente janë xhiruar nga një dron spiun që ndodhej në afërsi.
Por ky nuk është vetëm një rast. Në javët e fundit, janë publikuar disa video ku shfaqen dronë tokësorë në veprim. Një dron tokësor sulmon pozicionet ruse me breshër plumbash, ndërsa një tjetër, me rrota, transporton një mjet shpërthyes nën një urë në territorin e kontrolluar nga Rusia.
Organizata ukrainase Brave1 ka bërë një përpjekje të madhe për të prodhuar robotë tokësorë për të qenë në nivel me sistemet pa pilot. Ata kanë pranuar më shumë se 200 dizajne dhe kanë testuar 50 prej tyre.
Historikisht, dronët tokësorë kanë qenë të përdorur gjatë pushtimit të Finlandës nga Bashkimi Sovjetik në vitin 1939. Ndërsa gjatë Luftës së Dytë Botërore, ushtria gjermane kishte ndërtuar një dron kamikaz me emrin “Goliath”.
Sot, zhvillimi i dronëve tokësorë vazhdon, por pengesat janë të shumta. Terreni jo i rrafshët dhe çmimi janë sfidat kryesore. Megjithatë, organizatat si Brave1 presin që këta dronë të jenë pjesë e veprimeve të ushtrisë në të ardhmen.
