BRUKSEL, 7 shkurt /ATSH-DPA/ – Sekretari i përgjithshëm i NATO-s, Jens Stoltenberg i kërkoi sot Kongresit amerikan miratimin e ndihmës me vlerë mbi 110 miliardë dollarë për Ukrainën gjatë një konference për shtyp në Bruksel.
Zyrtari më i lartë i NATO-s tha se ishte thelbësore që Kongresi amerikan të binte dakord për financimin e Ukrainës për t’u mbrojtur kundër sulmit rus.
“Është në interesin e sigurisë tonë”, tha Stoltenberg.
Këshilltarët e sigurisë kombëtare të vendeve anëtare të aleancës po ndiqnin një takim në selinë e NATO-s për të diskutuar përpjekjet e vazhdueshme për të investuar në mbrojtjen dhe mbështetjen e ardhshme për Ukrainën.
Këshilltari i Sigurisë Kombëtare i SHBA-së, Jake Sullivan, duke folur përkrah Stoltenberg, i përshkroi bisedimet e stërzgjatura të brendshme politike të SHBA-së në Kongres mbi financimin e Ukrainës si të tepruara dhe zhgënjyese.
Demokratët dhe republikanët në SHBA nuk kanë qenë në gjendje të miratojnë ndihmën financiare për Ukrainën, e përmbyllur në një mosmarrëveshje për politikën amerikane të migracionit dhe disa republikanë, veçanërisht në Dhomën e Përfaqësuesve, duke vënë në pikëpyetje mbështetjen e SHBA-së për Ukrainën.//a.i/
