BRUKSEL, 21 mars /ATSH-DPA/- Të ardhurat nga asetet e ngrira ruse në Bashkimin Evropian duhet të përdoren për të rindërtuar Ukrainën dhe jo për ta armatosur atë, tha sot kancelari i Austrisë, Karl Nehammer.
Duke folur me gazetarët përpara samitit të BE-së, Nehammer tha se vendeve neutrale si Austria kishin nevojë për garanci se nëse miratojnë përvetësimin e fitimeve për të ndihmuar Ukrainën, paratë nuk do të shpenzoheshin për armë dhe municione.
“Fillimisht u diskutua se duhet të investohet për rindërtimin e Ukrainës. Më duket si një sugjerim i arsyeshëm”, tha Nehammer.
Presidenti i Lituanisë, Gitanas Nauseda tha se fitimet dhe vetë asetet duhet të përdoren për të armatosur Ukrainën.
“Ne mirëpresim propozimin e parë për të ardhurat e krijuara nga asetet e pamobilizuara”, tha Nauseda.
“Por ne po flasim gjithashtu për asetet e pamobilizuara. Dhe unë mendoj se kjo duhet të kontribuojë jo vetëm për rindërtimin e Ukrainës, por edhe për nevojat e mbrojtjes së Ukrainës”, shtoi ai. //a.i/
