BOLONJË, 9 prill /ATSH-ANSA/ – Një shpërthim ndodhi rreth orës 15:00 në një hidrocentral në pellgun artificial të Suvianas, në Apenine.
Për momentin, sipas informacioneve fillestare ka tre viktima dhe gjashtë të zhdukur.
Duket se një zjarr shpërtheu në katin minus nëntë, i gjithë termocentrali është nën nivelin e liqenit në rreth 30 metra thellësi.
Marco Masinara, kryebashkiak i rajonit të Camugnano, pas informacioneve të para, ende të pjesshme, deklaroi se ”personat e përfshirë po punonin për riparimin e turbinave, ndërsa zjarrfikësit po tentojnë të hyjnë por kanë hasur në vështirësi”.
Në vendngjarje kanë zbarkuar menjëherë të gjitha ekipet e emergjencës, që ndodhen në zonë./ /os/