LONDËR, 13 nëntor /ATSH-DPA/-Rusia kërkon të vendosë trajnimin e detyrueshëm ushtarak në shkolla përpara rekrutimit, raportoi Ministria e Mbrojtjes e Britanisë së Madhe, duke cituar shërbimet sekrete se Moska ka planifikuar të fillojë 140 orë trajnime vjetore në shkolla nga shtatori 2023 e tutje.
“Kjo nismë ka të ngjarë të jetë gjithashtu pjesë e një projekti më të gjerë për të rrënjosur një ideologji patriotizmi dhe besimi në institucionet publike në popullatën ruse”, deklaroi sot ministria.
Ministria tha se planet ishin një ringjallje e një programi të epokës sovjetike, i ndërprerë në 1993, që përfshinte përgatitjen për sulme bërthamore dhe kimike, si dhe trajnime të ndihmës së parë.
“Me programin, të shpallur nga ministri rus i Arsimit, Sergej Kravstov më herët në nëntor, zyrtarët rusë u përpoqën të rikthenin trajnimet në 2014, pas pushtimit rus të Krimesë me shpresën për të përmirësuar cilësinë e rekrutëve”, tha ministria britanike.
“Tetë vjet më vonë, ka patur ndryshime dhe cilësia e rekrutëve rusë mbetet e dobët”, tha Kravstov.//a.i/
