Një fitore e vendasve, tre barazime dhe katër fitore të skuadrave mysafire me gjithësejt 10 golat të shënuar është epilogu i tetë ndeshjeve të javës së 19-të në Ligën e dytë të futbollit vendor> Besa dhe Arsimi fitojnë në transfertë, ndërsa Bashkimi barazon në Strumicë.
Lideri në renditjen e tabelës Besa e Dobërdollit nuk lejoi befasi por përkundrazi nga transferta me Kamenica sasa kthehet me tre pikë duke fitura 3-0 me golat që i shënuan Filip Aleksovski 2 gola dhe Dragarski 1 gol. Me tre pikët e sotme Besa tani kryeson me 50 pikë.
Fitore të madhe ka shënuar edhe Arsimi kundër Kozhufit në Gjevgjeli me rezultatin 2-0 me golat që i shënuan Amir Nuhija dhe Argjend Gafuri. Me tre pikët e reja Arsimi tani me 35 pikë, rrugëton për pozitën e tretë që siguron balotazhin për kualifikim në Ligën e Parë
Në Strumicë, Bellasica dhe Bashkimi kanë ndaj pikët duke luajtur me barazim pa gola 0-0.
Ndeshja derbi e javës me Detonit Plaçkovica dhe Pelisteri ka përfunduar me fitoren e vendasve 1-0.
Novaci ka barazuar 1-1 me Teteksin, Ohërsi kthehet me tre pikë nga Negotina duke e mundur Vardari 1-0,, tre pikë në cilësinë e mysafirit ka fituar edhe Skopje 1-0. kundëtr Karaormanit , ndërsa Osogova dhe Pobeda kanë luajtur me barazim pa gola
Rezultatet: Bellasica – Bashkimi 0-0, Detonit Plačkovica – Pelisteri 1-0, Kamenica Sasa – Besa 0-3, Karaormani – Skopje 0-1, Kozhufi – Arsimi 0-2, Novaci – Teteksi 1-1, Osogova – Pobeda 0-0 dhe Vardari – Ohri 0-1
Tabela: 1. Besa 50 pikë, 2.Pelisteri 42, 3.Detonit Pllaçkovica 41, 4.Arsimi 35, 5.Ohri 30, 6. Skopje 28, 7. Bashkimi 28, 8. Vardari 27, 9. Bellasica 25, 10.Kozhufi 24, 11.Novaci 23, 12.Teteksi 20, 13.Pobeda 17, 14.Osogova 16, 15.Karaormani 15, 16. Kamenica Sasa 8 pikë.
Në xhiron e 20-të, më 9 mars (e shtunë),takohen: Arsimi – Karaormani, Bashkimi – Novaci, Besa – Detonit – Pllaçkovica, Skopje – Vardari, Ohri – Osogova, Pelisteri – Kozhufi, Pobeda – Bellasica dhe Teteksi – Kamenica Sasa
