Zhoao Pineiro (Vila Nova de Famalikao, 4.1.1988) është arbitri i zgjedhur për të drejtuar duelin midis Spanjës dhe Brazilit në “Santiago Bernabéu” (sonte, ora 21:30). Për të kjo do të jetë hera e parë që drejton një ndeshje të skuadrës spanjolle, megjithëse ai njihet mjaft mirë me trajnerin e Spanjës, Luis de la Fuente.
Pineiro e njeh De la Fuenten, sepse ai drejtoi ndeshjen e Spanjës U-21 në fitoren 0-1 kundër Shqipërisë më 11 tetor 2018, në një skuadër që përfshinte Unai Simon, Ojarzabal, Dani Olmo dhe Fabian Ruiz.
Arbitri që në moshën 15- vjeçare, kur pa se talenti i tij për të luajtur futboll nuk e lejonte të vazhdonte drejt botës profesionale, debutoi në Primera në vitin 2015. Që nga ajo kohë ai ka ndërmarrë hapa derisa të vendoset në krye të arbitrimit në vendin e tij.
Pineiro nuk ka ngurruar të ngrejë vazhdimisht zërin në mbrojtje të punës së arbitrit. “Kam lexuar, kam parë të thuhen budallallëqe nga të ndryshmet për mua. Kam dëgjuar të thonë se jam i paaftë, se jam arbitër i keq. Që nuk e bëj mirë punën dhe s’shoh në fushë. Nuk më pëlqejnë këto ofendime, por s’më shqetësojnë. Do të shqetësohesha nëse do të më thonin se jam i korruptuar. Por unë nuk jam i tillë”, tha ai.
PANORAMASPORT.AL
