ATHINË, 20 shkurt /ATSH-ANSA/ – Fermerët në të gjithë Greqinë u mblodhën në mbrëmje për një demonstratë në sheshin ”Sintagma”, për të protestuar kundër çmimeve të larta të prodhimit dhe për të kërkuar më shumë mbështetje nga qeveria.
Sheshi u mbush plot me traktorë dhe furgona bujqësore. Fermerëve mobilizues iu bashkuan federata, shoqata dhe sindikata nga sektorë të ndryshëm për t’i mbështetur.
”Nëse nuk zgjidhen problemet e sektorit të bujqësisë, lufta do të vazhdojë, tha në fjalën e tij në mitingun e fermerëve”, deklaroi kreu i Federatës Unifikimi të Sindikatave Bujqësore të Kardicës, Kostas Tzelas.
Sipas policisë greke, rreth 130 traktorë u mblodhën në qendër të kryeqytetit grek për të marrë pjesë në demonstratën e fermerëve në sheshin Sintagma, jashtë parlamentit grek.
Policia mori masa të veçanta në qendër të Athinës, e cila u mbyll pjesërisht për qarkullim. /os/
