Qyteti i Shkupit do të funksionojë sikurse deri tani, por me njerëz që kanë më tepër integritet se sa këta që i pamë, të cilëve e vetmja gjë që u interesonte ishte motivimi politik.
“Vlerësoj se edhe vet ata treguan për atë çfarë ka ndodhur në periudhën e kaluar. Pak janë kontradiktor, nga njëra anë kanë pasur lirinë e plotë të realizojnë shumë projekte, ndërsa nga ana tjetër tregojnë për gjoja mungesë të komunikimit”, deklaroi Arsovska, duke u përgjigjur në pyetjen për dorëheqjen e drejtorit të “Parqet dhe Gjelbërimet”, i cili është drejtori i pestë i Ndërmarrjeve Publike në Shkup që dha dorëheqje nga posti i drejtorit pas paralajmërimit për prishje të bashkëpunimit me VMRO-DPMNE-në.
