Trajneri Xavi Hernández bëri një lloj retrospektive të sezonit të Barcelonës dhe kujtoi se klubi katalanas është ende në fazën e rikuperimit, pas largimit të Lionel Messit në Paris Saint-Germain.
“Duhet të jemi shumë të durueshëm dhe sezonin e ardhshëm të përpiqemi të luftojmë për tituj. Kjo nuk mjaftoi. Kishte momente fantashkencë, si 4-0 në “Bernabeu”, por edhe të tjera tmerri, si kur nuk kishim as lojtarë.
Në nëntor ishim shumë keq, por jemi në epokën pas Messit, duhet të jesh shumë i duruar. Duhet të forcojmë skuadrën, të jemi të guximshëm në idenë e lojës, por mbi të gjitha duhet të jemi realistë dhe të kemi kohë për të punuar”,- tha trajneri i skuadrës “blaugrana”.
Barcelona do të përballet me Rayo Vallecanon, të dielën, në “Camp Nou”, në orën 21:00. Fitorja është synimi i trajnerit Xavi për të vazhduar luftën për vendin e dytë në La Liga me Sevillen.
