KABUL, 18 mars /ATSH-DPA/- Mediat afgane dhe gazetarët po përballen me një goditje të talebanëve të nxitur si nga një paralajmërim verbal për të ndaluar transmetimin e telenovelave të huaja.
Komiteti për Sigurinë e Gazetarëve Afgan (AJSC) deklaroi se talebanët kishin arrestuar gati një duzinë punonjës të medias dhe gazetarë gjatë tre ditëve të fundit. Ai tha se tetë arrestime u bënë të mërkurën dhe tre të tjerë të enjten.
Arrestimi i tre punonjësve të TOLO TV, stacionit më të madh televiziv në Afganistan, shkaktoi shqetësim të gjerë kombëtar dhe ndërkombëtar.
Khpalwak Sapai, një nga të arrestuarit dhe drejtor i stacionit TOLOnews, deklaroi se të gjithë kolegët e tij u liruan pas një ndalimi të shkurtër.
Sapai tha se arrestimi i tyre u nxit nga një raport mbi ndalimin e të gjitha telenovelave të huaja që kishte “tronditur” anëtarët e partisë në pushtet. /os/
