Ekipet e zjarrfikësve të qytetit të Shkupit tashmë janë në terren në Gaziantep së bashku me ekipet e tjera të shpëtimit.
“Qyteti i Shkupit dërgoi një ekip intervenues për të ndihmuar në misionin e shpëtimit në Turqi, ndërsa ne kemi ndarë gjashtë milionë denarë nga buxheti i qytetit që do të dërgohen përmes Kryqit të Kuq të Maqedonisë për qëllime humanitare për t’u përballur me pasojat e tërmetit katastrofik në Turqi dhe Siri”, citohet në kumtesën e Qytetit të Shkupit.
Nga aty bëjnë me dije se mbeten në komunikim me autoritetet lokale nga Turqia dhe janë të gatshëm të ndihmojnë në çdo kohë sipas nevojave të tyre.
