Zgjedhjet në Nikaragua, rivalët e presidentit në burg – Shqip

by admin
Spread the love

Qytetarët e Nikaraguas po votojnw në zgjedhjet presidenciale në të cilat kreu i shtetit Daniel Ortega është favorit sepse rivalët e tij kryesorë janë në burg. Në zgjedhje, Ortega po lufton për një mandat të katërt radhazi kundër një numri kandidatësh pak të njohur.

Opozita pretendon se qeveria kreu një seri të re arrestimesh të aktivistëve në të gjithë vendin në orët para hapjes së qendrave të votimit. Partitë opozitare u kanë bërë thirrje qytetarëve që të mos shkojnë në qendrat e votimit në shenjë proteste ndaj procesit zgjedhor, të cilin shumë vende e kanë kritikuar si jo të lirë dhe të pandershëm, transmeton Beta.

Policia arrestoi shtatë kandidatë të mundshëm presidencialë në qershor, me akuzën e tradhtisë. Ata kanë qenë në paraburgim që atëherë dhe policia arrestoi rreth 25 liderë të tjerë të opozitës përpara zgjedhjeve.

Aleanca opozitare Bashkimi Kombëtar Blu dhe Bardhë paralajmëroi se dje “regjimi” rrëmbeu të paktën tetë nga liderët e tij “gjatë bastisjeve të paligjshme”.

Një tjetër koalicion opozitar, Aleanca Qytetare, raportoi “ngacmime, vëzhgime, frikësim, sulme, arrestime të paligjshme dhe arbitrare” të disa prej liderëve të saj në të gjithë Nikaraguan.

Gruaja e Zëvendës Presidentit

Partia e krahut të majtë të Frontit Sandinist të Ortegës dhe aleatët e saj kontrollojnë Kongresin dhe të gjitha institucionet qeveritare. Kundërshtarët e tij në zgjedhjet presidenciale janë politikanë pak të njohur nga partitë më të vogla që shumë i konsiderojnë miqësore me Frontin Sandinist.

Qytetarët zgjedhin sot një president për pesë vitet e ardhshme, si dhe 90 nga 92 anëtarët e parlamentit dhe përfaqësuesit e Nikaraguas në Asamblenë e Amerikës Qendrore.

Më shumë se 4.4 milionë qytetarë të moshës 16 vjeç e lart kanë të drejtën e votës.

Ortega ishte president nga viti 1985 deri në vitin 1990 dhe u kthye në pushtet në vitin 2007.

Së fundmi ai e quajti gruan e tij, Rosario Murillo, e cila është nënkryetare e Nikaraguas, “bashkëpresidente”.

Pas votimit, Ortega iu drejtua qytetarëve drejtpërdrejt në televizion dhe kritikoi Shtetet e Bashkuara për ndërhyrje në punët e brendshme të Nikaraguas.

Ai përsëriti pretendimet e mëparshme se Uashingtoni mbështeti protestat masive në Nikaragua në prill 2018, të cilat ai i karakterizoi si një përpjekje për grusht shteti. /tesheshi.com/

Lexo lajme interesante

You may also like