ANKARA, 26 prill /ATSH-AA/ – Presidenti i Gjermanisë, Frank-Walter Steinmeier deklaroi se vendi i tij pajtohet me Turqinë se një zgjidhje me dy shtete është e nevojshme për arritjen e paqes së qëndrueshme në Lindjen e Mesme.
“Pajtohemi me Turqinë se paqja e qëndrueshme në Lindjen e Mesme do të jetë e mundur përmes një zgjidhjeje me dy shtete”, tha presidenti Steinmeier.
Duke e përshkruar vizitën e tij në Turqi si konstruktive, Steinmeier tha se “çdo minutë e vizitës sime në Turqi ishte e vlefshme”.
“Për mua, vajtja në Turqi, me rastin e 100-vjetorit të fillimit të marrëdhënieve tona diplomatike, ishte shumë domethënëse”, shtoi ai.
Duke theksuar se të dy vendet janë aleatë të NATO-s dhe anëtarë të G20-tës, Steinmeier tha se “si Turqia ashtu edhe Gjermania, jemi të domosdoshme për njëra-tjetrën. Ne kemi nevojë për njëri-tjetrin”./ /os/