Policia ka ndalua 4 persona nën akuzën e tentativës së vjedhjes së votës në Greqi.
Ngjarja ndodhi gjatë orëve të pasdites por u publikua pak mbas mbylljes së procesit të votimit.
Sipas informacioneve të para,raportohet se 4 personat e arrestuar tentuan jashtë qendrës së votimit të japin votuesve zarfa të përgatitura me vota të një subjekti politik. Menjëherë ka ndërhyrë policia e cila ka arrestuar të dyshuarit.
Në cilësinë e provës materiale në makinë e njërit prej të arrestuarve u gjeten 2227 fletë votimi gati për tu hedhur në kuti si dhe shuma prej 490 euro. Ende nuk dihet nëse personat kishin ofruar para në këmbim të votës.
Ata do të dërgohen në gjykatë për masë sigurie paraditen e së hënës. Edhe gjatë raundit të parë të votimeve në 21 maj,6 persona u arrestuan për veprën penale të blerjes së votës.
Top Channel
