Prej disa javësh, në media sociale dhe median rozë po përflitet se një nga çiftet më simpatike të shoëbiz-it shqiptar, kuzhinieri Alfio Rrotani dhe moderatorja Fatma Methasani i kanë dhënë fund lidhjes së tyre disa vjeçare.
Nga monitorimi në rrjetet e tyre sociale, u vu re se çifti kishin hequr çdo postim me njëri-tjetrin, teksa edhe daljet e tyre publike nuk ishin më si më parë, kur dyshja ishin shumë aktivë. Por, duket se Alfio dhe Fatma i kanë dhënë vërtetë fund lidhjes së tyre.
Ky lajm konfirmohet nga albeu.com, që shkruan se çifti që ka edhe një djalë të vogël, i cili quhet Noah janë ndarë për shkak të tradhëtisë së kuzhinierit ndaj Fatmës. Nga dyshja nuk ka pasur asnjë reagim gjatë gjithë këtyre javëve që përflitet për ndarjen e mundshme.
Kujtojmë, që pak ditë më parë Fatma festoi ditëlindjen e saj të 28-të në Zvicër, por Alfio nuk bëri asnjë urim publik dhe nuk ishte pranë saj në këtë ditë të veçantë.