Havier Zaneti, zëvendëspresidenti i Interit, i pranishëm në “Le Iene” ka folur për ndjesinë që ish-kapiteni i zikaltërve ka për këto dy vende.
“Një gjë shumë e çuditshme ka ndodhur në vitin 2021. Për shkak të pandemisë, Kampionati Evropian dhe Kupa e Amerikës u luajtën në të njëjtën kohë. Më dukej sikur një film, dy skuadra që nuk i kishin fituar për dekada, të dyja ishin në finale kundër mikpritësve. Italia në “Wembley” kundër Anglisë, Argjentina ime në “Maracana” kundër Brazilit. Atë mbrëmje Mesi fitoi trofeun e tij të parë me kombëtaren dhe të nesërmen “axurrët” u ngjitën në çatinë e Evropës”, tha “Pupi”.
FINALJA E BOTËRORIT – “Disa muaj më vonë, për finalen e madhe (Finalissima), ishte radha ime për të sjellë Kupën në fushë. Unë përfaqësoja vendin tim, Argjentinën, dhe përballë meje ishte vendi im i adoptuar, Italia. Ishte një emocion i pabesueshëm. Fatkeqësisht, “axurrët” nuk u kualifikuan në Botërorin. Megjithatë, ndërsa pashë fëmijët e mi duke u gëzuar për Argjentinën, pashë se atyre u mungonte diçka: ata do të shihnin edhe Italinë si protagoniste të atij Botërori, donin një derbi të madh të përgjakshëm, një finale të Kupës së Botës mes Argjentinës dhe Italisë, një ndeshje e madhe që ende mungon dhe që ne, në familjen Zaneti, po e presim”.
PANORAMASPORT.AL
