Vendimi i Vladimir Putin për të pushtuar Ukrainën ka përmbysur supozimet për paprekshmërinë e kufijve dhe e ka futur botën në një situatë krejtësisht të re.
Ukraina po vazhdon ta mbrojë territorin ndaj agresionit rus, dhe po merr ndihma për forcat e armatosuar nga të katër anët.
Një donacion të madh për Forcat e Armatosura të vendit të tij e ka bërë edhe sulmuesi i njohur ukrainas, Andriy Yarmolenko.
Sipas “Zorya Londonsk”, sulmuesi i West Ham Unitedit ka dhuruar 75 mijë funte për ushtrinë ukrainase.
Ndryshe, Yarmolenko është i lindur në Rusi, por prindërit janë ukrainas, të cilët pastaj u rikthyen në vendlindje.
Para ndeshjes kundër Wolves të dielën, trajneri i West Ham, David Moyes zbuloi: “Ai nuk ndihet mirë për momentin – ne i kemi dhënë disa ditë pushim”
/Insporti.com