Emocione të mëdha në Europa League. West Ham United pas shtesës eliminoi Sevilla, 6 herë fituese e këtij kompeticioni. “Çekiçët” triumfuan me rezultatin 2-0.
Soucek ishte ai që kaloi në avantazh skuadrën angleze. Goli i tij e çoi në shtesë ndeshjen dhe aty vendosi ukrainasi Yarmolenko.
Në Gjermani festoi Eintracht Frankfurt, pasi barazoi 1-1 kundër Real Betis. Iglesias i dha fitoren në 90 minuta spanjollëve dhe ndeshja shkoi në shtesë. Hinteregger u bë heroi i gjermanëve në fund.
Lyon-Porto ishte takimi i vetëm i mbrëmjes në Europa League që përfundoi për 90 minuta. Kjo sfidë u mbyll me rezultatin 1-1 dhe francezët kaluan në raundin tjetër falë fitores së arritur në Portugali në ndeshjen e parë.
Lyon e nisi ndeshjen me gol sot, teksa Dembele ndëshkoi skuadrën e Portos pas 13 minutash lojë. Portugezët reaguan dhe barazuan shpejt, me Pele, por nuk ia dolën dot të realizojnë edhe golin e fitores, që kishte më shumë vlerë.
EUROPA LEAGUE – 1/8-AT E FINALEVE
Eintracht Frankfurt-Betis 1-1 (2-1)
Shënues: Hinteregger 120+1′ / Iglesias 90′
Lyon-Porto 1-1 (1-0)
Shënues: Dembele 13′ / Pele 27′
West Ham-Sevilla 2-0 (0-1)
Shënues: Soucek 39′, Yarmolenko 112′
*Spartak Moscow-RB Leipzig
*Kualifikohet RB Leipzig, pasi klubet ruse janë përjashtuar nga garat ndërkombëtare
Foto: UEFA Europa League, Twitter
