Giacomo Vrioni e luajti të plotë takimin kundër Rapid Vienna, e vlefshme për një biletë në Conference League. Tirol, që humbi 1-2 në shtëpi, u mposht edhe në kryeqytet me rezultatin 2-0, me Rapidin që festoi në fund kualifikimin në Europë.
Sulmuesi i kombëtares shqiptare zhvilloi një sezon fantastik në Austri, duke realizuar 19 gola në kampionat me ekipin e Tirolit. Ndërkohë, edhe pse humbën 0-1, shqiptarët e Istanbulsporit festuan ditën e sotme.
Skuadra turke u mposht 0-1 në shtëpi ndaj Erzurum BB, por kaloi në finalen e madhe për një biletë në elitën e futbollit turk pas triumfit 2-4 në ndeshjen e parë.
Eduard Rroca, Valon Ethemi dhe Jetmir Topalli e nisën si titullarë takimin për Istanbulsporin, ndërsa Kristal Abazaj e ndoqi sfidën nga pankina.
Finalja përballë Bandirmasporit do të luhet më 2 qershor. Festojnë edhe Padova e Arlind Ajeti. Ekipi italian fitoi 2-1 me përmbysje përballë Catanzaros (0-0 sfida e parë).
Triumfi i sotëm solli kalimin e Padovës në finalen e fazës “play-off” për një biletë në Serie B. Ish-mbrojtësi i kombëtares shqiptare e luajti të plotë takimin për Padovën./ Supersport
Top Channel
