Komunikacioni në rrugët shtetërore zhvillohet nëpër rrugë të lagështa, ndërsa për shkak të mjegullës në disa akse rrugore ka ulje të dukshmërisë. Lidhja Auto Moto e Maqedonisë informoi se mjegull ka në rrugët Manastir – Prilep, Ohër – Strugë, Shkup – Kumanovë, Shkup – Veles, Veles – Katllanovë, Koçan – Shtip ku dukshmëria është nga 50 deri në 100 metra, ndërsa në Tetovë – Grupçin deri në 50 metra.
LAMM rekomandon shpejtësi të adaptuar të qarkullimit, respektimin e sinjaleve të përcaktuara të komunikacionit e veçanërisht drejtim të automjetit me kujdes, posaçërisht në rrugët nëpër gryka malore, ku ekziston mundësia e rrëshqitjes së dheut. Kjo vlen veçanërisht për pjesët rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Ndërkaq, Drejtoria për Punë hidrometeorologjike informoi se deri të dielën moti do të jetë stabil dhe I qetë. Të mërkurën dhe të premten do të fryjë erë e dobët nga drejtimi veriperëndimor.
Të mërkurën temperaturat do të lëvizin prej minimales -2 drejt maksimales 14 gradë, ndërsa në Shkup temperatura e mëngjesit pritet të jetë një, ndërkaq e ditës tetë grade celcius. /SHENJA/
