Qendërmbrojtësi shqiptar i Kosovës, Ibrahim Dresheviç, ka shënuar golin e parë me skuadrën e Machidas në elitën e futbollit të Japonisë, në triumfin 1-2 të arritur në transfertë ndaj skuadrës së Hokaido Consadole Saporo.
Ky takim ishte i vlefshëm për javën e katërt të elitës së futbollit japonez, teksa skuadra e mbrojtësit 27-vjeçar kryeson me 10 pikë në katër sfida. Dresheviç tundi rrjetën me kokë në minutën e 66-të, duke ngritur shifrat në 0-2.
Vlen të theksohet fakti se ai u transferua te skuadra japoneze në merkaton e janarit, nga turqit e Karagumruk. Me këtë të fundit në total numëroi 48 ndeshje në Superligën turke ku shënoi 1 gol si dhe regjistroi 1 asist.
GOLI I DRESHEVIÇ: VIDEO
PANORAMASPORT.AL
