Qeveria të zgjeruar pa Bashkimin Demokratik për Integrim vetëm do t’i komplikojë punët. Në kushtet e sfidave të rënda politike, siç është ngecja eventuale e integrimeve evropiane, mendoj se më së paku që i duhet këtij vendi është përjashtimi i BDI-së nga pjesëmarrja në qeverisjen e vendit. Kështu ka deklaruar profesori universitar, Aleksandër Spasenovski, për Radio Evropa e Lirë.
Ai për Radio Evropa e Lirë, deklaroi se qëndrimi i VMRO-DPMNE-së karshi BDI-së në këtë situatë politike mund t’i përziejë më tej gjërat në vend.
ALEKSANDËR SPASENOVSKI,PROFESOR UNIVERSITAR
“Pra, nga pikëpamja e qëllimeve të kërkesave të VMRO-DPMNE-së për përjashtimin e BDI-së, mund të gjejmë arsye, por nga pikëpamja nëse një zgjidhje e tillë kontribuon apo pengon, konkluzioni im është se nuk është e dobishme për stabilitetin e shtetit dhe për tejkalimin më të lehtë të mundshëm dhe më të mirë të sfidave politike me të cilat po përballemi”
I pyetur se a është e mundur kërkesa e kreut të VMRO-DPMNE-së, Hristijan Mickoski që ndryshimet kushtetuese të miratohen tani, dhe ato të bëhen të vlefshme me hyrjen e vendit në Bashkimin Evropian, profesori ka theksuar se ka dy aspekte, që sipas tij ,njëra është teknike dhe tjetra është aspekti politik.
ALEKSANDËR SPASENOVSKI,PROFESOR UNIVERSITAR
“Sigurisht që këtu ky realitet teknik lidhet me një situatë politike dhe lidhet me detyrimet e marra politike të shtetit. Vitin e kaluar praktikisht filloi ky proces i dinamizimit të integrimit evropian, sipas të cilit shteti merr përsipër të përfundojë ndryshimet kushtetuese ndërmjet konferencës së parë dhe të dytë ndërqeveritare”
Profesori Aleksandër Spasenovski gjithashtu sqaroi se mosmiratimi i ndryshimeve kushtetuese, në dritën e reagimeve të liderëve politikë nga BE-ja, hap një perspektivë të një periudhe problematike për shtetin në të cilën duhet t’i jepet një përgjigje pyetjes se çfarë të bëjë me integrimet evropiane. , çka me modernizimin e shtetit në kushtet e stagnimit të integrimeve të vendit në Bashkimin Evropian.
Samir Mustafa /SHENJA/
MARKETING
