Përgatitjet zyrtare për Qeverinë Teknike në Kuvend do të zhvillohen në periudhën nga 22 deri në 28 janar, njoftoi kabineti I kryetarit të Kuvendit,Talat Xhaferi, pas takimit të parë me koordinatorët e grupeve parlamentare.
KABINETI I KRYETARIT TË KUVENDIT
“Në periudhën nga 22 janari deri më 28 janar pritet të konstatohet dorëheqja e kryeministrit aktual, Dimitar Kovaçevski dhe dorëheqja e kryetarit të Kuvendit, Talat Xhaferi”.
Po ashtu në këtë periudhë kohore do të ndodhë edhe zgjedhja e kryetarit të ri të Kuvendit, njoftimi i presidentit për caktimin e mandatit të kryetarit të ri të Qeverisë, zgjedhja e Qeverisë teknike, ministrat, zëvendësministrat dhe zëvendësministrat shtesë, si dhe konstatimi i përfundimit të mandatit të deputetit talat Xhaferi dhe verifikimi i mandatit të deputetit të ri në Njësinë Zgjedhore 5. Kabineti i Xhaferit njoftoi se nuk do të ketë seancë për pyetje deputetësh deri në përfundim të këtij mandati të Kuvendit.
KABINETI I KRYETARIT TË KUVENDIT
“Seanca e parë për pyetje deputetësh do të mbahet pas mandati t njëqind ditor të qeverisë së zgjedhur në zgjedhjet parlamentare”.
Në mbledhjen e sotme koordinuese nuk kanë marrë pjesë përfaqësuesit e opozitës VMRO-DPMNE dhe opozitës shqiptare, të cilat kanë paralajmëruar bojkotimin e Kuvendit për faktin se kandidati i tyre nuk është pranuar për anëtar të Komisionit Shtetëror të Zgjedhjeve.
Për momentin nuk ka asnjë informacion se kur do të kalojnë në Kuvend ndryshimet në Kodin Zgjedhor. Seanca e parë plenare e re në vitin 2024 është caktuar për 15 janar.
/SHENJA/
MARKETING
