Gazetari i televizionit të njohur të Katarit, Al Jazeera, Wael Dahdouh, kishte mbuluar pa pushim rindezjen e konfliktit mes Izraelit dhe palestinezëve të nxitura nga sulmi vdekjeprurës i Hamasit në 7 tetor.
E pikërisht gjatë raportimeve mbi tmerret e luftës në Gaza, i mbërriti lajmi se në mesin e viktimave ishin dhe anëtaret e familjes së tij. Gruaja, vajza dhe djali i korrespondentit arab të Al Jazeera, humbën jetën kur një bombë ra mbi shtëpinë në të cilën ata ishin strehuar. Ishte kryeredaktori i televizionit, Mohamed Moawad, që përcolli lajmin e trishtë në rrjetet sociale, duke e shoqëruar dhe me pamjet rrëqethëse të reporterit që përpiqet të mbajë veten, por tronditja e dhimbja është me fortë se ai.
“Gruaja, vajza dhe djali i gazetarit tonë të guximshëm Wael Dahdouh janë vrarë gjatë sulmeve ajrore izraelite që goditën shtëpinë në të cilën ata kishin gjetur strehë. Wael mësoi për lajmin e kobshëm derisa po raportonte pandërprerë për sulmeve izraelite në Gazë”, ka shkruar Moawad.
Trupat dhe tanket izraelite e kryen gjatë natës një sulm të shkurtër tokësor në veri të Rripit të Gazës, e pohuar kjo nga Ushtria e Izraelit e cila njoftoi se kishte goditur disa objektiva të militantëve në mënyrë me qëllimin “të përgatisë fushëbetejën” për pushtimin e pritshëm tokësor të enklavës, pas më shumë së dy javë bombardimesh shkatërruese që kanë marrë me mijëra jetë njerëzish në këtë territor.
Aljazeera’ s brave veteran journalist Wael Dahdouh’s wife, son and daughter were killed in an Israeli airstrike which targeted a shelter house they had fled to. Wael received the news while on air covering the nonstop Israeli strikes on Gaza! pic.twitter.com/G2Z8UreboU
— Mohamed Moawad (@moawady) October 25, 2023
Top Channel
