Pasaportat, patentat e shoferit dhe kartat e identitetit, nuk do të jenë të vlefshme pas 12 shkurtit, pavarësisht se kur u skadon afati.
Ministria e Brendshme nuk mund të vendosë për rëndësinë e kartave të identitetit, pasaportave dhe patentat e shoferëve dhe nuk dihet se çfarë do të ndodhë më pas me dokumentet personale. Tani për tani bëhet e ditur se të gjitha dokumentet pas datës 12 shkurt nuk do të jenë të vlefshme. Kjo do të thotë se ata nuk mund të udhëtojnë, nëse nuk merret një vendim tjetër deri në muajin tjetër.
Nga MPB thonë vetëm se duhen ndryshuar dokumentet. Sa u përket reagimeve se nëpër punkte ka turma qytetarësh dhe nuk ka termine të mjaftueshme, ata thonë se po bëjnë gjithçka që çdo qytetar të marrë një dokument në kohën e duhur.
Ata gjithashtu shtojnë se po shfrytëzojnë të gjitha lehtësimet që qytetarët të pajisen me dokumente personale.
MPB
“Përveç funksionimit të rregullt me termin, në stacionin policor ‘Prolet’ kemi bërë të mundur edhe fotografimin për dokumente personale pa termin. Sa i përket marrjes së dokumenteve të përgatitura, sportelet janë të hapura edhe në fundjavë dhe këtë e bëjmë të ditur përmes mediave në mënyrë që qytetarët të informohen se kur dhe ku mund t’i marrin dokumentet”.
Ndërkaq ankesat dhe revoltat e qytetarëve për radhët e gjata për tu fotografuar për dokumente të reja personale që kanë emrin e ri kushtetues të vendit, nuk kanë të ndalur. Pritjet nëpër sportele vazhdojnë me orë të tëra. /SHENJA/
MARKETING
